اخر التدوينات
دموع الرجل
الخميس, الـ 31 من مارس 2011 م شعر وأدب 1312 طباعة


يا صاحبي لا تزعجك دمعة العين

                                       بعض الدموع تعقّب القلب  راحه

اليا نزلت من ضيقةٍ  فالشراييـن

يعود للقلب الحزيـن  انشراحـه

بلاك من دمعٍ محدّر على  ويـن

ماله بساحات الرجولـه مساحـه

إما نزل لعيون سـاره  وداريـن

وألا بعد فوز الهـلال  ونجاحـه

ما يطرح دموع الرجل غير ثنتين

ثنتيـن فيهـن دمعتـه مستباحة

الاوله لا من غـدا الليـل ليليـن

في ساعةٍ كلٍ هجع في  مراحـه

لا فز من نومه زبـون الأمرين

وأعلن مع الرحمن ساعة صراحة

عدّه سجين وقصّته عقب يوميـن

لكن سبقْه العفو وأطلق  سراحـه

والثانية لا فارق القلـب  غاليـن

فرقا مهي فرقا السفر والسياحة

فرقا الكفن والمقبـرة والمعزيـن

فرقا سؤال المغفـرة  والاباحـه

في غيرهن يا صاحبي ريّح العين

واستنقص الدنيا وتـزداد راحة