آخر التدوينات
قصيدة فكاهية
الثلاثاء, الـ 06 من ديسمبر 2011 م شعر وأدب 2595 طباعة


 

ياناس ملـينا الحكــم والنصــــايح .... نبي نجرّب هالطرايف والانكات....


لي قـصة فـيها وفـيها لمايح .... من ما  جار هاك السنة للعقيلات....


يوم الرجاجيل لبعضهم منايح .... بشرع الوفا وكلٍ عليه التزامات....


وأنا من اللي ينطحون التوايح .... وأنا ولد راعي الطروق المخَـــلاّت...


عرفت لي من كاسبين المدايح .... ربع لهم حق كبــر ضلع أبانات...
 

قالوابلا دوشات ولا ذبايح ..... غديك تودينا لحدى هالأ وتيلات...
 

قلت إيه قوه امشولا وتيل السمايح .... أويس هذا هو على بُعد خطوات...
 

ومن يوم عطت بالخشوم الروايح .... زمن قبل لانجلس بدوابالطلبات...

لحم ستيك وبافتيك وشرايح .... وشيء مناللي ياكلون الخواجات...


وأنا من الفرحة بهم تقل دايخ .... أنادي الجرسون وأقول هات هات...


الين صارت مايدتنا سفايح .... من اللحم والفاكــهـة والفكاهات....

وبعدين جاء راعي الحساب يتمايح .... بفاتورة حطه على جنب بسكات...


ومن يوم طالعه ولابه فضايح .... تبي تخلب رأس مالي دومومات...
 

قامت تقل عندي تدوراللوايح.... وأنسد بلعومي وهرجي مثاثات...


قلت أستحوا ياناس وش هالجوايح .... هذا حساب أو حنشله أو ردا ذات...


وأنتم بذا يالله على القوم طايح.. ..أوعمكم عجل على الطابق السات

تجمعت هاك الوجيه الكلايح.... وقاموا ودربونا على السوق دربات


ويوم انفغى راسي بكثر الصوايح .. عرفت وش كون لهم هالعمارات